50 atriði sem má læra af skák

Skemmtileg grein (á ensku) - um hvað má læra af skák: https://seanhamptoncole.wordpress.com/2013/03/26/living-strategically-50-lessons-chess-teaches-you-about-life/

Skák eflir

Skemmtilegur fyrirlestur (á ensku) frá TEDx - um kosti skákiðkunnar: 

Héraðsmót HSK 2015

Laugardaginn 7. febrúar Kl. 11.00 verður haldið héraðsmót HSK í skák fyrir 16 ára og yngri og verður það haldið í Grunnskólanum á Hellu. Tefldar verða 5-6 umferðir eftir monrad-kerfi og verður umhugsunartíminn 10 mín á keppanda í hverri skák. Ungmennafélagið Hekla mun sjá um og halda mótið. Mótstjóri verður Björgvin S Guðmundsson. Verðlaun verða veitt í þremur flokkum, auk þess sem stigahæsta félagið fær bikar. Flokkar sem keppt er í: 10 ára og yngri (1.-4. bekkur), 11-13 ára (5.-7. bekkur) og 14-16 ára(8.-10. bekkur) Skráning í mótið sendist á netfangið: [e-mail]. Tilgreina þarf, nafn, aldur, fæðingaár og félag. Upplýsingar hjá Guðmundi í síma 868-1188.

--

Ég fer á mótið og hef laust pláss. Brottför frá Þjórsárveri kl.10:00. Hafið samband með tölvupósti eða í síma 860-1895. Gott er að taka með sér smá nesti. Mótinu lýkur um kl.15

Smelltu hér til að sjá frétt á heimasíðu HSK

Úrslit skólaskákmóts Flóaskóla 2015

Fimmtudaginn 15.jan var skólaskákmót Flóaskóla 2015 haldið. Alls voru 29 keppendur og því teflt á 14 borðum.

Hafður var sá háttur á að allir tefldu í einum hóp. Þannig gat einhver í 1 bekk tefld við 10 bekking o.s.frv. Þetta gafst einstaklega vel. Bæði fannast þeim yngri spennandi að tefla við þá eldri og öfugt. Það eru allir jafnir við skákborðið óháð aldri, líkamlegum styrk eða þroska.

Sigurvegari mótsins var Sigurjón Óli Ágústsson úr 5 bekk. Hann fékk 6 vinninga af 6 mögulegum og vann því allar sínar skákir. Sigurjón Óli er því skákmeistari Flóaskóla - bæði yfir yngri og eldri.

Sigurjón Reynisson sýndi einnig frábær tilþrif og náði öðru sæti. Það er glæsilegur árangur hjá dreng sem er í 4.bekk.

Dagur Fannar Einarsson (7.bekk) var í þriðja sæti og Sæþór Atlason (5.bekk) var í fjórða sæti.

Allir þessir fjórir hafa sýnt góða ástund á skákæfingum og greinilegt að það skilar sér.

Veitt voru verðlaun fyrir þann sem sigraði í yngri (1-7 bekkur) og eldri (8-10 bekkur), samkvæmt reglum Skáksambands Íslands um skólaskák. Sigurjón Óli er sigurvegari í yngri, en Hannes Höskuldsson í eldri.

Einnig voru veitt verðlaun fyrir þann sem sigraði í hverjum bekk fyrir sig. Þannig höfðu allir að einhverju að keppa.

Smellið hér fyrir heildar úrslit og myndir frá mótinu - einnig eru hér úrslit í hverjum bekk fyrir sig.

Vel heppnuð ferð á Íslandsmót barna 2015

Laugardaginn 10.jan tóku Guðbergur Davíð Ágústsson (2008), Sigurjón Óli Ágústsson (2004) og Sigurjón Reynisson (2005) þátt í Íslandsmóti barna 2015 sem fór fram í Rimaskóla.

Tefldar voru 5 umferðir fyrir niðurskurð. Þeir sem náðu 3 vinningum eða fleirum komust áfram eftir niðurskurð.

Strákarnir náðu allir tveim vinningum hver (Sigurjón Óli með einni yfirsetu). Guðbergur Davíð varð efstur þeirra sem eru fæddir 2008 og fékk veglegann verðlaunapening að launum. Það má því segja að Guðbergur Davíð sé Íslandsmeistari barna fæddra 2008.

Alls voru 75 keppendur.

Það var mikilvæg reynsla að taka þátt í þessu móti og það verður spennandi að sjá hvernig gengur á næsta ári ef ástund heldur áfram að vera jafn góð og hún hefur verið undanfarið.

SMELLTU HÉR TIL AÐ SJÁ MYNDIR 

Hér er svo frétt um mótið af skak.is: http://skak.blog.is/blog/skak/entry/1577365/

Heimaverkefni fyrir eldri hóp 7.1.2015

Smelltu hér til að skoða heimaverkefni fyrir eldri hóp 7.1.2015

Skólaskákmót Flóaskóla 2015

Skólaskákmót Flóaskóla verður haldið fimmtudaginn 15.janúar kl.9. Mótið er opið öllum nemendum í Flóaskóla. Samkvæmt reglum Skáksambands Íslands verður keppt í tveim flokkum. Í yngri flokki keppa nemendur í 1.- 7. bekk, en í eldri flokki nemendur í 8.- 10. bekk. Sigurvegarar í hvorum flokki öðlast þáttökurétt á sýslumóti Árnessýslu sem fer fram síðar á árinu.

 

Ekki þarf að skrá sig sérstaklega fyrirfram. Við gerum ráð fyrir að mótinu ljúki fyrir hádegismat. Ágúst Valgarð Ólafsson hefur umsjón með mótinu.

Íslandsmót barna 2015

Íslandsmót barna í skák fer fram í Rimaskóla laugardaginn 10. janúar og hefst klukkan 12. Þátttökurétt hafa börn fædd 2004 og síðar og sigurvegarinn fær sæmdarheitið Íslandsmeistari barna 2015 og keppnisrétt á Norðurlandamótið í skólaskák sem haldið verður í Færeyjum um miðjan febrúar. Smellið hér fyrir skráningu.

Þátttökugjald er 1.000 kr (1.500 að hámarki á systkini) og greiðist á mótsstað fyrir upphaf umferðar.

Við hvetjum öll börn sem hafa áhuga á skák til að taka þátt. Ég fer með Guðberg Davíð og Sigurjón Óla og hef pláss fyrir fleiri ef einhverjir vilja nýta ferðina. Hafið samband með tölvupósti eða síma (860-1895). Brottför frá Þjórsárveri kl.10:45.

Úrslit frá jólapakkaskákmóti Hugins

Sigurjón Óli og Guðbergur Davíð tóku þátt í Jólapakkaskákmóti Hugins sem fór fram í ráðhúsi Reykjavíkur laugardaginn 22.desember. Mótið var öllum opið.

Sigurjón Óli keppti í flokki barna fæddra 2004-2005. Hann fékk 3 vinninga af 5 mögulegum og lenti í 12. sæti af 30.

Guðbergur Davíð keppti í flokki barna fæddra 2008 og yngri. Hann fékk 4 vinninga af 5 mögulegum og lenti í 2. sæti af 14.

Mótið fór einstaklega vel fram. Efstu sætin í hverjum flokki fengu veglega jólapakka - og auk þess var miklum fjölda pakka dreift með happdrætti. Reyndar fór enginn pakkalaus heim - því allir voru þar að auki leystir út með sælgæti og gjöf. Skemmtilegt mót sem vonandi verður endurtekið að ári. Smelltu hér til að sjá nokkrar myndir.

Úrslit og myndir frá opna Rangæingamótinu

Laugardaginn 22.nóv tóku nokkrir krakkar úr Flóaskóla þátt í Opna Rangæingamótinu sem fram fór á Hellu. Smelltu hér til að sjá nokkrar myndir frá mótinu. Úrslit: