2018 skólaskákmót Flóaskóla úrslit

Skólaskákmót Flóaskóla 2018 fór fram mánudagsmorguninn 22.jan 2018.

Samtals voru það 28 nemendur sem tefldu á mótinu.

Heildar niðurstöður (óháð aldri) má finna hér.

Skólaskák skáksambands Íslands skiptir nemendum í tvo flokka:

• Yngri 1-7 bekkur
• Eldri 8-10 bekkur

Fjórir efstu í yngri voru:

1. Guðbergur Davíð Ágústsson - 4 bekkur
2. Sigurjón Reynisson - 7 bekkur
3. Daði Kolviður Einarsson - 7 bekkur
4. Óskar Sigurðsson - 5 bekkur

Fjórir efstu í eldri voru:

1. Dagur Fannar Einarsson - 10 bekkur
2. Sigurjón Óli Ágústson - 8 bekkur
3. Ásthildur Ragnarsdóttir - 9 bekkur
4. Smári Þór Svansson - 9 bekkur

 

Fjölskyldumynd frá Disney um skákstúlku frá Úganda

Fjör á seinustu skákæfingu vetrarins

Við áttum góða stund saman í dag til að fagna sumrinu og halda upp á seinustu skákæfingu vetrarins. Vöfflukaffi, gönguferð, fótbolti og svo nokkrar skákir í lokin. Takk fyrir veturinn!

Smelltu hér til að sjá myndir.

Seinasta skákæfing vetrarins í dag

Seinasta skákæfing vetrarins verður í dag, 10.maí. Við hittumst í Forsæti, borðum vöfflur og gerum ýmislegt skemmtilegt saman - fyrir þá sem geta þá verðum við aðeins lengur eða til kl.16:30 í stað kl.15:30. Þeir sem sækja þurfa þá að sækja í Forsæti í stað þess að sækja í Þjórsárver.

Ég mun hitta krakkana um það leyti sem skólabílarnir fara um kl.14 og sjá til þess að allir skili sér.

Kveðja, Ágúst Valgarð

 

Skákæfing í dag 26.apríl fellur niður vegna veikinda

Því miður þarf að fella niður æfingu í dag, 26.apríl vegna veikinda þjálfarans.

Íslandsmót barnaskólasveita 2016

Þeir Sigurjón Óli, Sigurjón Reynisson, Daði Kolviður og Guðbergur Davíð tefldu fyrir hönd Flóaskóla á Íslandsmóti barnaskólasveita 4-7.bekk sem fram fór 8-9.apríl í Rímaskóla. Fyrri dagurinn gekk vel, 1 tap, 2 jafntefli og 2 sigrar. En seinni dagurinn gekk illa, niðurstaðan varð 28.sæti af 31. Hluti af því að tefla á svona móti er að hafa úthald og einbeitingu - við þurfum greinilega að bæta okkur í því fyrir næsta mót. Sem dæmi, þá vannst 4-0 sigur á Salaskóla b fyrri daginn. Salaskóli b endaði svo í 17.sæti á mótinu. En þetta var skemmtilegt mót, það er gaman að tefla saman í sveit. E.t.v. hafði það líka áhrif að þjálfarinn komst ekki með seinni daginn :-)

Smellið hér til að sjá frétt um mótið á skák.is eða hér til að sjá heildar úrslit.

Íslendingar eignast meistara í skólaskák

Sjá http://www.mbl.is/frettir/innlent/2016/02/25/oskar_nyr_nordurlandameistari/

Taflsett til sölu

Á laugardaginn, kl.10 er HSK Héraðsmót barna í skák. SMELLA HÉR TIL AÐ SKRÁ KEPPANDA

Ég hef frétt að einhver börn vantar góð taflsett á heimilið. Við höfum því útvegað taflsett sem við verðum með til sölu á meðan að mótinu stendur í Þingborg á laugardaginn. Þetta eru dúkar og taflmenn á 4500 kr. settið. Það er því um að gera að mæta á skákmót og kaupa taflsett ef vantar.

Úrslit frá jólapakkaskákmóti Hugins

Sigurjón Óli og Guðbergur Davíð tóku þátt í Jólapakkaskákmóti Hugins sem fór fram í ráðhúsi Reykjavíkur laugardaginn 22.desember. Mótið var öllum opið.

Sigurjón Óli keppti í flokki barna fæddra 2004-2005. Hann fékk 3 vinninga af 5 mögulegum og lenti í 12. sæti af 30.

Guðbergur Davíð keppti í flokki barna fæddra 2008 og yngri. Hann fékk 4 vinninga af 5 mögulegum og lenti í 2. sæti af 14.

Mótið fór einstaklega vel fram. Efstu sætin í hverjum flokki fengu veglega jólapakka - og auk þess var miklum fjölda pakka dreift með happdrætti. Reyndar fór enginn pakkalaus heim - því allir voru þar að auki leystir út með sælgæti og gjöf. Skemmtilegt mót sem vonandi verður endurtekið að ári. Smelltu hér til að sjá nokkrar myndir.

Úrslit og myndir frá opna Rangæingamótinu

Laugardaginn 22.nóv tóku nokkrir krakkar úr Flóaskóla þátt í Opna Rangæingamótinu sem fram fór á Hellu. Smelltu hér til að sjá nokkrar myndir frá mótinu. Úrslit: