2018-02 Pönnukökuskákmót

Pönnukökuskákmótið fór fram í dag. Smelltu hér til að sjá myndir frá mótinu og úrslit.

Pönnukökuskákmót sunnudaginn 11.feb kl.14

Sunnudaginn 11.feb kl.14 verður pönnukökuskákmót í Kaffi Líf, Austurvegi 40b Selfossi. Mótið er eingöngu fyrir börn á grunnskólaaldri, óháð lögheimili. Eina skilyrðið er að kunna mannganginn og hafa gaman af því að tefla. Teflt verður með 15min umhugsunartíma.

Sjá nánar hér

Kjördæmismót suðurlands í skólaskák 2018

Kjördæmismót suðurlands í skólaskák fer fram föstudaginn 16.feb kl.13 í Fischersetrinu á Selfossi. Mótinu mun ljúka um kl.16

Teflt verður í tveim flokkum, yngri (1-7 bekkur) og eldri (8-10 bekkur) samkv. reglum um skólaskák.

Hver skóli má senda allt að 3 keppendur í hvorn flokk eða alls 6 nemendur. Fjöldi umferða og tímamörk verða ákveðin á staðnum en sennilega 15min. og 7 umferðir.

Ágúst Valgarð Ólafsson og Björgvin Smári Guðmundsson hafa umsjón með mótinu. 

Sveitakeppni grunnskóla á suðurlandi 2018 - úrslit

Sveitakeppni skóla á Suðurlandi var haldin 26. jan. s.l. í Fischersetrinu á Selfossi. 

Flóaskóli sendi tvær sveitir til þátttöku. Yngri (1-5 bekkur) og eldri (6-10 bekkur).

Yngri

Borð	Nafn	Bekkur
1	Guðbergur Davíð Ágústsson	4
2	Óskar Sigurðsson	5
3	Helgi Reynisson	4
4	Kári Steindórsson	5

 

Eldri

Borð	Nafn	Bekkur
1	Sigurjón Óli Ágústsson	8
2	Sigurjón Reynisson	7
3	Daði Kolviður Einarsson	7
4	Guðmunda Steindórsdóttir	8
4	Ásthildur Ragnarsdóttir	9

Guðmunda og Ásthildur skiptust á að tefla á 4 borði hjá eldri sveit.

Yngri sveit Flóaskóla sigraði sinn flokk örugglega með 19 vinninga af 24 mögulegum, tapaði aðeins 5 vinningum. Smelltu hér til að sjá nánar um þær 6 umferðir sem yngri sveitin tefldi.

Eldri sveit hafnaði í 4 sæti af 6 með 9,5 vinninga af 20 mögulegum.

Smellið hér til að sjá frétt mótshaldara um mótið og myndir.

Skólaskákmót Flóaskóla 2018 - úrtaka

Úrtaka fyrir skólaskákmót Flóaskóla 2018 fór fram í dag - smbr. hér.

Eftirtaldir nemendur komust í gegnum úrtökuna:

• Nemandi - bekkur
• Dagur Fannar - 10
• Margrét María - 10
• Tómas - 10
• Smári - 9
• Ásthildur - 9
• Guðmunda - 8
• Sigurjón Óli - 7
• Daði Kolviður - 7
• Sigurjón Reynisson - 7
• Guðbergur Davíð - 4

Skólaskákmótið verður svo haldið mánudaginn 22.jan

Skólaskákmót Flóaskóla 2018

Mótið verður í tveim hlutum.

Föstudaginn 19.jan fyrir hádegi verður úrtaka sem fer þannig fram nemendur tefla við krakkaskákforrit á léttasta stigi. Þeir sem sigra eða ná jafntefli öðlast þáttökurétt á skólaskákmótinu.

Þetta gerum við til að tryggja að þeir sem tefla á mótinu kunni a.m.k. mannganginn og til að lágmarka röskun á skólastarfi.

 

Mótið sjálft verður haldið mánudaginn 22.jan, hefst í fyrsta tíma og mun ljúka fyrir hádegismat.

Teflt verður í einum hóp - en haldið utanum úrslit í yngri (1-7 bekkur) og eldri (8-10 bekkur).

 

Ágúst Valgarð Ólafsson mun sjá um framkvæmd mótsins.

Kjördæmismót suðurlands í skólaskák 2016 - úrslit

Kjördæmismót suðurlands í skólaskák 2016 lauk núna rétt í þessu. Talsvert var um forföll, mikið um að vera þessa helgi. Rætt var að halda kjördæmismótið 2017 frekar í mars.

En margar ágætar skákir voru tefldar í dag. 

Smellið hér fyrir heildarúrslit.

Smellið hér fyrir úrslit eftir yngri /eldri (8 bekkur og eldri).

Hér má sjá ljósmyndir frá mótinu.

Kjörsdæmismót suðurlands 2016

Mótið fer fram Laugardaginn 23.apríl kl.10-14:30
Staðsetning: Fischer skáksetrið Selfossi
Keppt er í tveim flokkum:

Yngri flokkur: 1-7 bekkur
Eldri flokkur: 8-10 bekkur

Hver skóli má senda 3 keppendur í hvorn flokk.
Gott að hafa með sér smávegis nesti.

Umsjónarmenn verða Ágúst Valgarð Ólafsson og Björgvin Smári Guðmundsson

Mikilvægt að umsjónarmaður skákstarfs eða fulltrúi skóla skrái keppendur með því að smella hér.

Hér er auglýsing sem gott er að prenta út og hengja upp í skólunum og á kennarastofunni.

Ef það eru spurningar eða athugasemdir - þá endilega setjið inn athugasemd beint hér fyrir neðan. 

Skákmót í Fischersetri sunnudaginn 3.apríl kl.11

Það verður skákmót í Fischersetri sunnudaginn 3.apríl kl. 11.00-12.30. Um er að ræða lokadag skákskólans og verður sem sagt haldið opið mót. Helgi Ólafsson stórmeistari verður á staðnum og sér um mótið. Allir krakkar á grunnskólaaldri velkomnir.

Páskaeggjaskákmót Þjótanda 2016 - úrslit

Páskaeggjaskákmót Þjótanda 2016 fór fram laugardaginn 19.mars kl.10. Tefldar voru 7 umferðir með 15 mín. umhugsunartíma. 

Að þessu sinni var haldið utanum úrslit í tveim flokkum: yngri (börn á grunnskólaaldri) og svo eldri. 

Í fyrstu umferð drógust saman Sverrir Unnarsson og Ágúst Valgarð Ólafsson (undirritaður), en þeir lentu í 1 og 2 sæti á nýársskákmóti Þjótanda núna í janúar. Þetta varð hörku spennandi skák þar sem Ágúst tefldi sína hefðbundnu Caro-Kann vörn með svörtu, fékk mun verri stöðu útúr byrjuninni og var rétt orðinn mót eftir 8-12 leiki. Tókst þó að hanga á þessu - og svo fór að jafntefli var samið.

Eftir þetta vann Sverrir allar sínar skákir nema hvað Reynir Bjarkason sigraði hann með sinni alkunnu grjótagarðsárás - en það teflir Reynir einatt með hvítt. Þá er miðborðinu læst og svo allt púður sett í árás á kóngsvæng. Þegar púðurreyknum létti hafði Reynir gjörsigrað og notað aðeins til þess innan við 5 mín. Flott skák hjá Reyni.

Ágúst var heppinn, lenti undir í nokkrum skákum en tókst að hafa sigur í þeim öllum og stóð loks uppi sem sigurvegari í mótinu með 6 1/2 vinning af 7 mögulegum.

Hér eru heildar úrslit.

Hér eru úrslit eftir yngri/eldri.

Sigurjón Óli Ágústsson átti gott mót og sigraði í yngri flokk með 5 vinninga af 7 mögulegum.

Allir keppendur fengu lítið páskaegg en 6 efstu í yngri flokk stærra egg, 3 efstu í þeim eldri.

Hér má sjá nokkrar myndir frá mótinu