Opna Rangæingamótið í skák 16 ára og yngri

Laugardaginn 22. Nóvember  Kl:11.00 verður Opna Rangæingamótið í skák fyrir 16 ára og yngri haldið í Safnaðarheimili Odda kirkju á Hellu.
Tefldar verða 5-6 umferðir (fer eftir þátttöku)  eftir monrad-kerfi og verður umhugsunartíminn 10 mín á keppanda í hverri skák.
Ungmennafélagið Hekla  sér um keppnishaldið og verður öllum keppendum boðið uppá léttar veitingar að keppni lokinni. 

Veitt verða verðlaun fyrir 3 efstu sætin og allir fá þátttökuskjal.
Keppt verður í eftirfarandi flokkum: 
9 ára og yngri     (1-4 bekkur)
10-12 ára            (5-7 bekkur)
13-16 ára          (8-10 bekkur) 

Skráning á staðnum nægir.

--

Ég ætla að fara með nokkur börn á mótið. Brottför frá Þjórsárveri kl.10:00 á laugardagsmorgnuninn. Gott er að hafa með sér smávegis nesti.

Þeir sem vilja far á mótið með mér geta haft samband í síma 860-1895 - fyrstir koma fyrstir fá.

Bestu kveðjur, Ágúst Valgarð

Seinasta skákæfing tímabilsins

Skólinn klárast víst á hádegi næsta miðvikudag - og einhverjir nemendur á ferðalagi. Það er því ljóst að seinasta skákæfingin var núna í dag.

Á æfingunni í dag fengu nemendur 44 blaðsíðna útprentaða skákvinnubók með skákæfingum. Við unnum í þessu hefti í dag - og þau taka það svo með sér inn í sumarið. Gott að grípa í það á rigningardögum - sem vonandi verða fáir í sumar :-)

 

Kærar þakkir fyrir samvinnuna um þetta verkefni um skákæfingar, bæði börn og fullorðnir. Ég vil þakka sérstaklega formönnum ungmennafélaganna, Guðmundi fráfarandi skólastjóra Flóaskóla, Huldu deildarstjóra og öðru starfsfólki Flóaskóla fyrir aðstoð og hvatningu.

 

Gleðilegt sumar! 

Fréttir af seinustu æfingum

Nú fer að færast fjör í leikinn. Á seinustu tveim æfingum lukum við yfirferð um hvern taflmann fyrir sig og hafa þeir því allir verið kynntir til sögunnar. Þar sem þessi grundvallaratriði eru í höfn getum við nú farið að ræða fleira sem snýr að herkænsku og liðsskipan. Auðvitað kunnu allir krakkanir mannganginn fyrir - en það er engu að síður ýmislegt sem við höfum lært um hvern taflmann, sem á eftir að koma sér vel síðar. 

Ég vil einnig að þið vitið að hegðun og eftirtekt hefur verið til fyrirmyndar. Það hefur t.d. verið ánægjulegt að sjá hvernig þau sem meira kunna hafa sýnt þolinmæði þegar við höfum farið yfir einfaldari atriðin fyrir þá sem minna kunna. 

Til að stikla á stóru um seinustu æfingar þá höfum við t.d. rætt kosti þess að hafa riddara nær miðborðinu, því þá valdar hann miklu fleiri reiti. Einnig höfum við æft okkur smávegis í því að nota kóng í endatöflum. Við erum einnig farin að æfa einföld mát og fjallað smávegis um pattstöður.

Loks erum við búinn að fjalla um hvernig skynsamlegt er að tefla byrjanir. Við erum búin að kynna 5 triði sem er gott að hafa til viðmiðunar í fyrstu leikjum skákar:

 

1. Ná völdum á miðborðinu.
2. Koma mönnunum út eins fljótt og hægt er, ljúka liðsskipan.
3. Hróka eins fljótt og hægt er.
4. Ekki leika drottningunni of fljótt út. 
5. Forðast að leika sama manninum oftar en einu sinni áður en liðsskipan er lokið.

Við tókum svo dæmi um skákir þar sem byrjanir voru tefldar illa eða vel.

 

Núna eru aðeins þrjár æfingar eftir. Á þeim munum leggja áherslu á:

• Reglurnar 5 um byrjanir 
• Upprifjun á því sem komið er - þannig festast atriðin betur í minni
• Að allir í hópnum kunni að máta með tveim hrókum, drottningu eða einum hrók
• Fjalla um gafflanir
• Ef tími vinnst til, leppanir og að máta með tveim biskupum

Ef nægur áhugi er fyrir hendi vil ég gjarnan halda æfingum áfram næsta haust, í samvinnu við Þjótanda og Flóaskóla. Þessar æfingar hafa gengið vel. Bæði ég og börnin skemmtum okkur konunglega. Það væri því afbragð ef það finnst flötur á að halda þessu áfram næsta vetur.

 

 

Æfingin í dag 23.apríl

Náðum góðri æfingu í dag. Rifjuðum upp ýmislegt varðandi biskupinn og kynntum svo drottninguna til sögunnar. Ræddum einnig hvernig skákin er hugaríþrótt. Við taflborðið eru allir jafnir, hvort sem þeir eru stórir, litlir, breiðir eða mjóir.

Sumarnámskeið í skák 2014

Skákakademía Reykjavíkur og Skákskóli Íslands efna til tveggja skáknámskeiða í sumar fyrir krakka fædda 2001-2007. Hvort námskeið er vika í senn. 

Smelltu hér fyrir nánari upplýsingar

Við í Forsæti 3 erum búin að skrá Margréti Maríu og Sigurjón Óla á námskeiðið 30.júní - 4.júlí. Ef einhver annar hér í Flóahreppi hefur áhuga þá getum við eflaust samnýtt ferðir, látið okkur vita.

Páskaeggjamót Þjótanda - Úrslit

Laugardaginn 12.apríl kl.10 komu  8 hressir krakkar saman í Þjórsárveri til að tefla á Páskaeggjamóti Þjótanda 2014.

Úrslit urðu þannig:

 

Margar skákir voru afar spennandi og allir skemmtu sér vel. Í lokin fengu allir keppendur lítið páskaegg auk þess sem Agnes, Dagur og Sigurjón fengu sérstök verðlaun fyrir að sigra á hverju skólastigi fyrir sig.

Smelltu hér til að sjá myndir frá mótinu. 

Skólaskákmót Árnessýslu - úrslit

Skólaskákmót Árnessýslu fór fram föstudaginn 11.apríl kl.14 í Fischersetrinu á Selfossi. Keppt var í yngri (1-7 bekkur) og eldri (8-10 bekkur) flokk.

Úrslit yngri flokk:

Úrslit eldri flokk:

 

Tveir efstu í hvorum flokki öðlast þáttökurétt á kjördæmismótinu sem verður haldið síðar í þessum mánuði. 

Hér má sjá myndir frá mótinu. 

Árnessýslumót í skólaskák

Mótið fyrir Árnessýslu fer fram í Fischersetri, Austurvegi 21, Selfossi, föstudaginn 11. apríl,  Kl. 14:00. Mótinu líkur á milli kl.16 og 17.  Tímamörk verða 15 mín. og tefldar verða 7 umferðir.  

Teflt verður í tveimur flokkum: eldri, 8.-10. bekkur og  yngri, 7. bekkur og yngri. Hver skóli hefur rétt á að senda tvo keppendur í hvorn flokk.

Tveir efstu keppendur úr hvorum flokki vinna sér síðan rétt til að tefla á kjördæmismóti Suðurlands sem fer fram undir lok apríl.  Á því móti verða fulltrúar frá Vestmannaeyjum, Ragnárþingi og Árnessýslu. Efstu keppendur kjördæmamótsins verða síðan fulltrúar Suðurlands í  landsmótinu í skólaskák.

Mótsstjórar verða Björgvin S. Guðmundsson og Ágúst Valgarð Ólafsson

Sigurjón Óli Ágústsson og Dagur Fannar Einarsson  munu keppa fyrir Flóaskóla í yngri flokk þar sem þeir sigruðu á yngsta og miðstigi á skólaskákmóti Flóaskóla.

Þegar þetta er skrifað vantar hinsvegar keppanda frá Flóaskóla fyrir eldri flokk (8-10 bekk), þar sem þau sem urðu í efstu sætunum gefa ekki kost á sér af ýmsum ástæðum. Röðin á skólaskákmótinu á efsta stig var svona:

1. Sunna Skeggjadóttir
2. Magnús Freyr Bárðarson
3. Ægir Atlason
4. Hannes Höskuldsson
5. Hólmar Höskuldsson
6. Agnes Björg Birgisdóttir
7. Árni Már Ólafsson
8. Þórarinn Guðni Helgason
9. Unnar Freyr Bjarnarson
10. Hanna Kristín Ólafsdóttir
11. Ásbjörn Pálmason
12. Alexander Kristjánsson
13. Ýmir Atlason
14. Baldur Þór Bjarnarson

Hér með er auglýst eftir því að einhverjir tveir úr þessum hóp sem vilja keppa á morgun hafi samband við Ágúst í síma 860-1895 svo að Flóaskóli sé með fulltrúa á efsta stigi. Fyrstir koma, fyrstir fá :-)

 

Svo minnum við á hraðskákmótið í Þingborg kl.20 í kvöld, fimmtudagskvöld. 

Peð og hrókar

Æfingin í dag gekk vel. Við rifjuðum upp það helst frá seinustu æfingu varðandi peðin. Svo ræddum við hrókinn, að hann telst jafn sterkur og 5 peð (5 stig) og tókum nokkrar þrautir og æfingar með hrókum.