Íslendingar eignast meistara í skólaskák

Sjá http://www.mbl.is/frettir/innlent/2016/02/25/oskar_nyr_nordurlandameistari/

Taflsett til sölu

Á laugardaginn, kl.10 er HSK Héraðsmót barna í skák. SMELLA HÉR TIL AÐ SKRÁ KEPPANDA

Ég hef frétt að einhver börn vantar góð taflsett á heimilið. Við höfum því útvegað taflsett sem við verðum með til sölu á meðan að mótinu stendur í Þingborg á laugardaginn. Þetta eru dúkar og taflmenn á 4500 kr. settið. Það er því um að gera að mæta á skákmót og kaupa taflsett ef vantar.

Fréttir af æfingum í febrúar

Seinustu tvær æfingar hafa gengið vel. Við höfum tekið mest af tímanum í að tefla æfingamót sem lauk í dag. En við höfum einnig tekið tíma í að skoða heildrænt byrjanakerfi á svart, og rætt ýmislegt praktískt eins og að drepa með peðum í átt að miðju, hvernig á að nota hrók til að styðja við frípeð, 5 þumalputtareglur í byrjunum ofl. 

Skólaskákmót Flóaskóla 2016

Mánudaginn 29.febrúar verður skólaskákmót Flóaskóla haldið - fyrir nemendur í Flóaskóla. Það þarf ekki að skrá sig á það, mótið verður haldið í Þjórsárveri fyrir hádegi á skólatíma. Gott er að ræða þetta við börnin - og jafnvel taka nokkrar æfingaskákir heima :-)

Eins og í fyrra þá verður teflt í einum hóp - en haldið utanum úrslit í yngri (1-7 bekkur) og eldri (8-10 bekkur).

Smellið hér til að sjá úrslit mótsins í fyrra.

Páskaeggjaskákmót Þjótanda 2016

Páskaeggjaskákmót Þjótanda verður haldið í Þjórsárveri laugardaginn 19.mars kl.10 - áætluð mótslok eru kl.13

Mótið er ætlað bæði börnum og fullorðnum.

Það er gott að taka smávegis nesti með sér að maula á milli umferða.

Nánari upplýsingar og skráning - smellið hér

Hörku æfing í dag

Við vorum með skemmtilega skákæfingu í dag. Fyrst tefldum við tvær seinustu umferðirnar í æfingamóti sem við hófum á æfingunni fyrir tveim vikum. Úrslit urðu:

1. Dagur - 5 vinningar
2. Sigurjón Óli - 4 vinningar
3. Daði og Guðbergur Davíð - 2 vinningar
4. Sæþór og Sigurjón Reynisson - 1 vinningur

Við lukum svo æfingunni með því að ég tefldi fjöltefli við krakkana - og gaf þeim hrók í forgjöf. Ég var sérstaklega ánægður með Sæþór sem mátaði gamla manninn með því að fórna Drottningu!

Það voru 8 krakkar sem mættu í dag, auk þeirra sem eru taldir upp hér fyrir ofan voru Guðmunda og Kári frá Hrygg. Flottur hópur sem ég hlakka til að vinna með það sem eftir er vetrar.

HSK Héraðsmót barna í skák 2016

Dagsetning: Laugardagurinn 27.febrúar kl.10-15
Staðsetning: Þingborg í Flóahreppi
Öll börn á starfssvæði HSK og á grunnskólaaldri eru velkomin.

Aldursskipting verður:

• 10 ára og yngri
• 11-13 ára
• 14-16 ára

Umhugsunartími verður 15 min.

Það er gott að taka með sér smá nesti. Nánari upplýsingar í netfanginu [e-mail]

Smellið hér til að skrá keppanda á mótið

Skákæfing 2.feb fellur niður. Næsta æfing 9.feb

Þriðjudaginn 26.jan var fyrsta æfing vetrarinr. Við rýndum í hróksendatöfla og tókum svo æfingamót. 6 krakkar mættu: Dagur, Daði, Sigurjón Óli, Guðbergur Davíð, Sigurjón Reynisson og Sæþór.

Það verður ekki æfing 2.feb því ég verð erlendis. Næsta æfing verður 9.feb kl.14-15:30 í Þjórsárveri.

Skákæfing á morgun þriðjudag

Minni á skákæfingu á morgun þriðjudag kl.14-15:30

Skákæfingar framundan

Því miður var ég kallaður í vinnuferð til USA og því falla niður skákæfingar sem áttu að vera þriðjudaginn 12 og 19.jan kl.14-15:30

Hinsvegar verður æfing 26.jan kl.14