Skákæfing í dag 26.apríl fellur niður vegna veikinda

Því miður þarf að fella niður æfingu í dag, 26.apríl vegna veikinda þjálfarans.

Kjördæmismót suðurlands í skólaskák 2016 - úrslit

Kjördæmismót suðurlands í skólaskák 2016 lauk núna rétt í þessu. Talsvert var um forföll, mikið um að vera þessa helgi. Rætt var að halda kjördæmismótið 2017 frekar í mars.

En margar ágætar skákir voru tefldar í dag. 

Smellið hér fyrir heildarúrslit.

Smellið hér fyrir úrslit eftir yngri /eldri (8 bekkur og eldri).

Hér má sjá ljósmyndir frá mótinu.

Kjörsdæmismót suðurlands 2016

Mótið fer fram Laugardaginn 23.apríl kl.10-14:30
Staðsetning: Fischer skáksetrið Selfossi
Keppt er í tveim flokkum:

Yngri flokkur: 1-7 bekkur
Eldri flokkur: 8-10 bekkur

Hver skóli má senda 3 keppendur í hvorn flokk.
Gott að hafa með sér smávegis nesti.

Umsjónarmenn verða Ágúst Valgarð Ólafsson og Björgvin Smári Guðmundsson

Mikilvægt að umsjónarmaður skákstarfs eða fulltrúi skóla skrái keppendur með því að smella hér.

Hér er auglýsing sem gott er að prenta út og hengja upp í skólunum og á kennarastofunni.

Ef það eru spurningar eða athugasemdir - þá endilega setjið inn athugasemd beint hér fyrir neðan. 

Skákæfingar falla niður í dag og 19.apríl - kjörsdæmismót 23.apríl

Þar ég er erlendis þá falla niður æfingar 12 og 19.apríl, því miður. Hinsvegar má setja kjördæmismót Suðurlands á dagatalið. Það fer fram 23.apríl í Fischersetri á Selfossi kl.10 - 14:30.

Hver skóli má senda 3 keppendur í hvorum flokki - og hjá okkur gilda úrslitin í Flóaskólaskákmótinu, og ef forföll þá mat (því einhverjum tilfellum vantaði sterka keppendur á Flóaskólaskákmótið).

Þetta verður nánar auglýst síðar - og haft samband við væntanlega keppendur.

Íslandsmót barnaskólasveita 2016

Þeir Sigurjón Óli, Sigurjón Reynisson, Daði Kolviður og Guðbergur Davíð tefldu fyrir hönd Flóaskóla á Íslandsmóti barnaskólasveita 4-7.bekk sem fram fór 8-9.apríl í Rímaskóla. Fyrri dagurinn gekk vel, 1 tap, 2 jafntefli og 2 sigrar. En seinni dagurinn gekk illa, niðurstaðan varð 28.sæti af 31. Hluti af því að tefla á svona móti er að hafa úthald og einbeitingu - við þurfum greinilega að bæta okkur í því fyrir næsta mót. Sem dæmi, þá vannst 4-0 sigur á Salaskóla b fyrri daginn. Salaskóli b endaði svo í 17.sæti á mótinu. En þetta var skemmtilegt mót, það er gaman að tefla saman í sveit. E.t.v. hafði það líka áhrif að þjálfarinn komst ekki með seinni daginn :-)

Smellið hér til að sjá frétt um mótið á skák.is eða hér til að sjá heildar úrslit.

Skákmót í Fischersetri sunnudaginn 3.apríl kl.11

Það verður skákmót í Fischersetri sunnudaginn 3.apríl kl. 11.00-12.30. Um er að ræða lokadag skákskólans og verður sem sagt haldið opið mót. Helgi Ólafsson stórmeistari verður á staðnum og sér um mótið. Allir krakkar á grunnskólaaldri velkomnir.

Páskaeggjaskákmót Þjótanda 2016 - úrslit

Páskaeggjaskákmót Þjótanda 2016 fór fram laugardaginn 19.mars kl.10. Tefldar voru 7 umferðir með 15 mín. umhugsunartíma. 

Að þessu sinni var haldið utanum úrslit í tveim flokkum: yngri (börn á grunnskólaaldri) og svo eldri. 

Í fyrstu umferð drógust saman Sverrir Unnarsson og Ágúst Valgarð Ólafsson (undirritaður), en þeir lentu í 1 og 2 sæti á nýársskákmóti Þjótanda núna í janúar. Þetta varð hörku spennandi skák þar sem Ágúst tefldi sína hefðbundnu Caro-Kann vörn með svörtu, fékk mun verri stöðu útúr byrjuninni og var rétt orðinn mót eftir 8-12 leiki. Tókst þó að hanga á þessu - og svo fór að jafntefli var samið.

Eftir þetta vann Sverrir allar sínar skákir nema hvað Reynir Bjarkason sigraði hann með sinni alkunnu grjótagarðsárás - en það teflir Reynir einatt með hvítt. Þá er miðborðinu læst og svo allt púður sett í árás á kóngsvæng. Þegar púðurreyknum létti hafði Reynir gjörsigrað og notað aðeins til þess innan við 5 mín. Flott skák hjá Reyni.

Ágúst var heppinn, lenti undir í nokkrum skákum en tókst að hafa sigur í þeim öllum og stóð loks uppi sem sigurvegari í mótinu með 6 1/2 vinning af 7 mögulegum.

Hér eru heildar úrslit.

Hér eru úrslit eftir yngri/eldri.

Sigurjón Óli Ágústsson átti gott mót og sigraði í yngri flokk með 5 vinninga af 7 mögulegum.

Allir keppendur fengu lítið páskaegg en 6 efstu í yngri flokk stærra egg, 3 efstu í þeim eldri.

Hér má sjá nokkrar myndir frá mótinu

Skólaskákmót Flóaskóla 2016 - úrslit

Mánudagana 29.feb og 7.mars var skólaskákmót Flóaskóla 2016 haldið. Alls voru 29 keppendur og því teflt á 14 borðum.

Hafður var sá háttur á að allir tefldu í einum hóp. Þannig gat einhver í 1 bekk tefld við 10 bekking o.s.frv. Haldið er utanum úrslit í yngri og eldri flokk samkvæmt reglum skáksambands Íslands um skólaskák. 

Sigurvegari mótsins var Dagur Fannar Einarsson úr 8 bekk. Hann fékk 6 1/2 vinning af 7 mögulegum og vann því allar sínar skákir. Dagur Fannar er því skákmeistari Flóaskóla - bæði yfir yngri og eldri.

Daði Kolviður Einarsson átti gott mót og sigraði í yngri flokk með 5 1/2 vinning af 7 mögulegum.

Verðlaunaafhending á eftir að fara fram í samráði við Flóaskóla.

Smellið hér til að sjá heildar úrslit.

Úrslit eftir yngri/eldri

Úrslit eftir bekkjum

Hér eru myndir frá mótinu

Páskaeggjaskákmót laugardaginn 19.mars kl.10

Minnum á Páskaeggjaskákmótið laugardaginn 19.mars í Þjórsárveri - ætlað bæði börnum og fullorðnum.

HSK Héraðsmót barna í skák - úrslit

HSK Héraðsmót barna í skák fór fram í Þingborg í dag frá kl.10 til 13. Teflt var með 15min umhugsunartíma. Þetta var skemmtilegt mót með mörgum óvæntum úrslitum. Það gafst vel að auka tímann úr 10min í 15min enda er það yfirleitt helsta verkefnið að fá börnin til að tefla hægar og þannig betur.

Smellið hér til að sjá heildar úrslit - en teflt var í einum hóp.

Á þessari vefsíðu með úrslitum má einnig smella á einstaka keppendur til að sjá sögu viðkomandi keppanda.

Úrslit voru svo tekin saman eftir aldri - smellið hér.

Á mótinu tefldu keppendur frá þremur ungmennafélögum.

Þetta mót var einnig keppni á milli félaga. Stigaútreikningur er þannig að fyrsta sæti gefur 6 stig - og svo talið niður. Í heildina (eftir útreikning í hverjum aldursflokki fyrir sig) urðu úrslit þessi:

• UMF Hekla - 20 stig
• UMF Þjótandi - 20 stig
• UMF Gnúpverja - 7 stig

UMF Hekla hefur unnið þessa stigakeppni undanfarin ár en núna er UMF Þjótandi farin að veita Heklu verðuga keppni.

Hér smá sjá myndir af mótinu.