Skólaskákmót Flóaskóla 2016 - úrslit

Mánudagana 29.feb og 7.mars var skólaskákmót Flóaskóla 2016 haldið. Alls voru 29 keppendur og því teflt á 14 borðum.

Hafður var sá háttur á að allir tefldu í einum hóp. Þannig gat einhver í 1 bekk tefld við 10 bekking o.s.frv. Haldið er utanum úrslit í yngri og eldri flokk samkvæmt reglum skáksambands Íslands um skólaskák. 

Sigurvegari mótsins var Dagur Fannar Einarsson úr 8 bekk. Hann fékk 6 1/2 vinning af 7 mögulegum og vann því allar sínar skákir. Dagur Fannar er því skákmeistari Flóaskóla - bæði yfir yngri og eldri.

Daði Kolviður Einarsson átti gott mót og sigraði í yngri flokk með 5 1/2 vinning af 7 mögulegum.

Verðlaunaafhending á eftir að fara fram í samráði við Flóaskóla.

Smellið hér til að sjá heildar úrslit.

Úrslit eftir yngri/eldri

Úrslit eftir bekkjum

Hér eru myndir frá mótinu

Páskaeggjaskákmót laugardaginn 19.mars kl.10

Minnum á Páskaeggjaskákmótið laugardaginn 19.mars í Þjórsárveri - ætlað bæði börnum og fullorðnum.

HSK Héraðsmót barna í skák - úrslit

HSK Héraðsmót barna í skák fór fram í Þingborg í dag frá kl.10 til 13. Teflt var með 15min umhugsunartíma. Þetta var skemmtilegt mót með mörgum óvæntum úrslitum. Það gafst vel að auka tímann úr 10min í 15min enda er það yfirleitt helsta verkefnið að fá börnin til að tefla hægar og þannig betur.

Smellið hér til að sjá heildar úrslit - en teflt var í einum hóp.

Á þessari vefsíðu með úrslitum má einnig smella á einstaka keppendur til að sjá sögu viðkomandi keppanda.

Úrslit voru svo tekin saman eftir aldri - smellið hér.

Á mótinu tefldu keppendur frá þremur ungmennafélögum.

Þetta mót var einnig keppni á milli félaga. Stigaútreikningur er þannig að fyrsta sæti gefur 6 stig - og svo talið niður. Í heildina (eftir útreikning í hverjum aldursflokki fyrir sig) urðu úrslit þessi:

• UMF Hekla - 20 stig
• UMF Þjótandi - 20 stig
• UMF Gnúpverja - 7 stig

UMF Hekla hefur unnið þessa stigakeppni undanfarin ár en núna er UMF Þjótandi farin að veita Heklu verðuga keppni.

Hér smá sjá myndir af mótinu.

Skólaskákmót Flóaskóla 2016

Mánudaginn 29.febrúar verður skólaskákmót Flóaskóla haldið - fyrir nemendur í Flóaskóla. Það þarf ekki að skrá sig á það, mótið verður haldið í Þjórsárveri fyrir hádegi á skólatíma. Gott er að ræða þetta við börnin - og jafnvel taka nokkrar æfingaskákir heima :-)

Eins og í fyrra þá verður teflt í einum hóp - en haldið utanum úrslit í yngri (1-7 bekkur) og eldri (8-10 bekkur).

Smellið hér til að sjá úrslit mótsins í fyrra.

Páskaeggjaskákmót Þjótanda 2016

Páskaeggjaskákmót Þjótanda verður haldið í Þjórsárveri laugardaginn 19.mars kl.10 - áætluð mótslok eru kl.13

Mótið er ætlað bæði börnum og fullorðnum.

Það er gott að taka smávegis nesti með sér að maula á milli umferða.

Nánari upplýsingar og skráning - smellið hér

HSK Héraðsmót barna í skák 2016

Dagsetning: Laugardagurinn 27.febrúar kl.10-15
Staðsetning: Þingborg í Flóahreppi
Öll börn á starfssvæði HSK og á grunnskólaaldri eru velkomin.

Aldursskipting verður:

• 10 ára og yngri
• 11-13 ára
• 14-16 ára

Umhugsunartími verður 15 min.

Það er gott að taka með sér smá nesti. Nánari upplýsingar í netfanginu [e-mail]

Smellið hér til að skrá keppanda á mótið

Nýársskákmót Þjótanda 2016 - úrslit

Nýársmót Þjótanda 2016 var haldið laugardaginn 2.jan kl.10-12:30. Þáttaka var góð, 14 keppendur tefldu 7 umferðir á 7 borðum.

Úrslit - 3 efstu

1. Sverrir Unnarsson - 6 vinningar
2. Ágúst Valgarð Ólafsson - 6 vinningar
3. Þórbergur Hrafn Ólafsson - 5 vinningar

• Smelltu hér til að sjá nánar heildarúrslit.
• Hér má sjá úrslit aldursskipt á milli grunnskólabarna og fullorðinna.
• Hér má svo sjá myndir af mótinu.

Þetta var skemmtilegt mót - m.a. unnu grunnskólanemar nokkra úr hóp fullorðinna. Ágúst vann Sverri í annari umferð en tapaði svo í 5.umferð fyrir Þórbergi bróður sínum eftir að hafa fórnað hrók í mátssókn sem rann út í sandinn.

Hægt er að smella á einstakar umferðir undir History - m.a. er þetta fyrsta umferð.

Hér er hægt að skrá sig á póstlista og fá þannig tölvupóst af því helsta tengt floaskak.blog.is

 

Nýársskákmót Þjótanda 2016

ATH: Breytt staðsetning - mótið verður haldið í Þjórsárveri

Nýársskákmót Þjótanda 2016 verður haldið í Þjórsárveri laugardaginn 2.jan kl.10-12:30.
Tefldar verða 7 umferðir með Svissnesku kerfi með 10 min. umhugsunartíma á mann. Haldið verður utanum röðun keppanda í þremur flokkum:

1. Yngri - grunnskólanemar
2. Eldri - eldri er grunnskólanemar
3. Samtals (yngri+eldri)

Ekki er þörf á að skrá sig fyrirfram.

Nánari upplýsingar veitir Ágúst Valgarð í síma 860-1895

Íslandsmót barnaskólasveita 2015

Helgina 25-26 apríl fór fram Íslandsmót barnaskólasveita 2015 í Rimaskóla fyrir börn í 1-7 bekk.

Flóaskóli sendi tvær sveitir til þáttöku. Þetta var fjölmennt mót með 48 sveitum, fjögur börn í hverri sveit.

Tefldar voru alls 9 umferðir (5 á laugard, 4 á sunnud). 10|5 umhugsunartími eða 10min. og svo 5 sek. bætt við eftir hvern leik. Afar hentugur umhugsunartími því með þessu móti lenda menn seint í tímahraki - og langar skákir fá aukinn tíma.

Flóaskóli A var þannig skipuð (vinningar hvers borðs í sviga fyrir aftan):

1. Dagur Fannar Einarsson (4 1/2)
2. Sigurjón Óli Ágústsson (6)
3. Patrekur Máni Jónsson (7) (Sunnulækjarskóli)
4. Guðmundur Björgvin Guðmundsson (1) (Kerhólsskóli)

Flóaskóli A lenti í 19 sæti með 18 1/2 vinning samtals.

Flóaskóli B var þannig skipuð:

1. Sigurjón Reynisson (6)
2. Daði Kolviður Einarsson (3 1/2)
3. Guðbergur Davíð Ágústson (3 1/2)
4. Atli Hrafn Lárusson (3) (Kerhólsskóli)

Flóaskóli B lenti í 37 sæti með 16 vinninga samtals.

Hægt er að sjá nánari úrslit hér.

Eins og sést þá fengum við 3 keppendur að láni úr öðrum skólum.

Þetta var skemmtilegt mót og við stefnum klárlega að því að taka þátt aftur á næsta ári. Við skipun í sveitir að þessu sinni horfðum við til þess að hafa eina sveit sem væri skipuð börnum 4 bekk og yngri - því veitt eru sérstök verðlaun fyrir þá sveit skipuð 4 bekk og yngri sem nær bestum árangri. Eftir á að hyggja hefði verið betra að skipa sveitirnar eingöngu eftir styrkleika - t.d. að Sigurjón Reynisson hefði verið á 4 borði í Flóaskóli A sveit.

Þáttaka í þessu móti var góð æfing. Menn lærðu hvað það skiptir miklu máli að einbeita sér og tefla til sigurs. Einnig lentu sumir í því að patta andstæðing með gjör unnið tafl í höndunum. 

Það eflir áhuga og hvetur krakka til dáða að taka þátt í móti sem þessu. Við höldum því ótrauð áfram með skákæfingar og þáttöku í mótum eftir því sem tök eru á.

Hér má sjá nokkrar myndir af mótinu.

 

 

Íslandsmót barnaskólasveita

Íslandsmót barnaskólasveita í skák fer fram í Rimaskóla Grafarvogi dagana 25. og 26. apríl næstkomandi. Sjá nánar hér: http://www.skak.blog.is/blog/skak/entry/1691855/

 

Það er unnið að því að Flóaskóli sendi eina eða jafnvel tvær sveitir á mótið. Ég verð í sambandi við foreldra næstu daga til skrafs og ráðagerða.